தேவனின் அற்புதங்கள்

B.A. Manakala

கடலை உலர்ந்த தரையாக மாற்றினார். ஆற்றைக் கால்நடையாய்க் கடந்தார்கள். அங்கே அவரில் களிகூர்ந்தோம். சங். 66:6.

நான் ஒரு சுத்தியலை எடுத்து, தரையிலே மெதுவாக அடிக்கத் தொடங்கினேன். பின்னர், அவ்வாறு தொடர்ந்து அடித்துக் கொண்டிருக்கும் போதே..., என் இடது கையை அதற்குக் கீழே... முன்னும் பின்னுமாக ஆட்டினேன். அப்படியே...நான் வேகத்தை நொடிக்கு மூன்று முறை... என்கிற அளவுக்கு அதிகரித்தேன். என் குழந்தைகள் வாயடைத்துப் போயினர்!

நாம் தேவனுடைய அற்புதங்களைக் குறித்து, ஆச்சரியப்பட்டுப் போகிறோம். ஆனாலும், அப்படிப்பட்ட அற்புதங்கள் வாயிலாக, தேவனுடைய வல்லமை முழுமையாக வெளிப்படுத்தப்படுகிறது என்று நீங்கள் நினைக்கிறீர்களா? இயேசுவும், பேதுருவும் தண்ணீர் மேல் நடந்தது போலவே, தேவன், இஸ்ரவேலரையும் கடலின் மேல் நடக்கப் பண்ணியிருக்கலாம். பிலிப்புவுக்குச் செய்தது போலவே, இவர்களையும் அக்கரைக்குப் பறந்து போகச் செய்திருக்கலாம். கோராகுக்கும் அவன் கூட்டத்தாருக்கும் செய்ததைப் போலவே, அக்கினியாலோ.., அல்லது பூமியைப் பிளக்கப் பண்ணியோ, எகிப்தியரை அவர் கொன்றிருக்கலாம். அற்புதங்கள் தேவனுடைய வல்லமையைப் பற்றின கணநேரக் கண்ணோட்டத்தை மட்டுமே நமக்குத் தந்து..., அவரை விசுவாசிக்க நமக்கு உதவி செய்கிறது. நாம் நம்புகிறோமோ இல்லையோ..., தேவனால் எதையும் செய்ய முடியும்!

தேவனுக்கு மகிமையைக் கொண்டு வரக்கூடிய...., தேவனின் அசாதாரண அற்புதங்களை வாஞ்சித்து, அதற்காய் ஜெபிக்க,  உங்களுக்கு தைரியம் உண்டா?

'தேவன் வெறும் அதிசயம் நிகழ்த்துபவர்' என்று நினைக்காதீர்கள்;  அவர் தேவன்.

ஜெபம்: கர்த்தாவே, உம்முடைய அற்புதங்கள் மீதல்ல...., உம் மீதே என் கவனத்தை செலுத்த, எனக்கு உதவி செய்யும். ஆமென்!

 

         (Translated from English to Tamil by Catherine Joyce)

 

 

Comments

Post a Comment

Popular posts from this blog

ஆத்தும தாகம்

Image
23 September 2020 B.A. Manakala தேவனே , நீர் என்னுடைய தேவன் ; அதிகாலமே உம்மைத் தேடுகிறேன். வறண்டதும் , விடாய்த்ததும் , தண்ணீரற்றதுமான நிலத்திலே , என் ஆத்துமா உம்மேல் தாகமாயிருக்கிறது. என் மாம்சமானது உம்மை வாஞ்சிக்கிறது. சங். 63:1. இயேசு , சிலுவையில் மொழிந்த வாக்கியங்களுள் ஒன்று ," தாகமாயிருக்கிறேன்" என்பதாகும். அவரைச் சுற்றி இருந்த ஜனங்கள் , அதை சரீரப்பிரகாரமான தாகமாகவே புரிந்து கொண்டனர். அவருடைய தாகமோ , அநேகமாக சரீரப்பிரகாரமான தாகத்திற்கெல்லாம் அப்பாற்பட்டது. தாவீது வறண்ட நிலத்திலே இருக்கிறதால் , அவர் சரீரப்பிரகாரமாகவும் , ஆவிக்குரிய பிரகாரமாகவும் தாகமாய் இருக்கிறார் என்பது தெளிவாகத் தெரிகிறது (63:1). நாம் இவ்வுலகில் வாழ்வதால் , சரீரப்பிரகாரமான பல விஷயங்களுக்காக , நாம் தாகமாயிருக்கிறோம். ஆனால் , நம்முடைய ஆத்துமாவை திருப்திப்படுத்துவதே மிகவும் முக்கியம். ஒருமுறை , இயேசு தாமே சமாரியா ஸ்திரீக்கு ஜீவத்தண்ணீரை வழங்கி , " நான் கொடுக்கும் தண்ணீரைக் குடிக்கிறவனுக்கு ஒருக்காலும் தாகமுண்டாகாது. அது அவனுக்குள்ளே நித்திய ஜீவ காலமாய் ஊறுகிற நீரூற்றாய் இருக்கும்" என்றார் (யோவா. ...
Read more

இரக்கமுள்ள தேவன்

Image
B.A. Manakala தேவரீர் எங்களுக்கு  இரங்கி , எங்களை ஆசீர்வதித்து , உம்முடைய முகத்தை எங்கள்மேல் பிரகாசிக்கப் பண்ணும். சங். 67:2. ஒரு நாள்..... பேருந்து நிலையம் ஒன்றில் , பிச்சைக்காரர் ஒருவர் என்னிடம் வந்து , ' எனக்கு இரண்டு ரூபாய் கிடைக்குமா ?' என்று கேட்டார். நான் அவர் மீது இரக்கப்பட்டு , அவருக்குப் பத்து ரூபாயைக் கொடுத்தேன். அவர் பிரகாசிக்கிற முகத்தோடு போய் விட்டார். நம்மீதுள்ள தேவனின் இரக்கம் அளவிட முடியாதது! நம்மேல் உள்ள அவருடைய கிருபை... , நாம் கேட்பதையும் , கற்பனை செய்வதையும் விட அதிகமானது. இந்த பூமியிலே , தேவன் தம்முடைய இரக்கத்தின் பிரதிநிதிகளாக , நம்மைத் தேர்ந்தெடுத்துள்ளார். வேறு விதமாகக் கூறின்... , இந்த உலகத்தின் ஜனங்கள் , தேவனுடைய இரக்கத்தை , உங்கள் மூலமாகவும் , என் மூலமாகவும் அனுபவிக்கிறார்கள். பரிசுத்த ஆவியானவரின் ஒத்தாசையால் தான்... , நம்மால் பிறருக்கு இரக்கம் காண்பிக்க முடிகிறது. உங்கள் வாழ்வில்... , தேவனின் இரக்கத்தை , நீங்கள் எவ்வளவாய் எதிர்நோக்கி உள்ளீர்கள் ? பிறர் உங்களிடம் இருந்து எவ்வளவு இரக்கத்தை எதிர்பார்க்கிறார்கள் ?   நாம் எந்த அளவுக்கு மற்றவர்களிடம் இரக...
Read more

நித்திய ஆசீர்வாதம்

Image
Tuesday, May 25, 2021 B.A. Manakala தேவன் உம்மை என்றென்றைக்கும் ஆசீர்வதிக்கிறார். சங். 45:2இ. இவை... , ராஜாவைப் பற்றி , கோராகின் புத்திரரால் சொல்லப்பட்ட வார்த்தைகள். தேவனுடைய ஆசீர்வாதங்களினிமித்தம்.. , ராஜா எப்படி இருக்கிறார் என்பதை , வச 3-5 விவரிக்கின்றன. யாருடைய ஆசீர்வாதங்கள் நம்மேல் தங்கியுள்ளன என்பதே முக்கியம். தற்காலிகமானதும் , அழிந்துபோகக் கூடியதுமான பூமிக்குரிய ஆசீர்வாதங்களைக் குறித்தே... , பெரும்பாலும் நாம் ஆர்வம் கொள்கிறோம். ஆனால்... , நித்தியமான பரலோக ஆசீர்வாதங்களைப் பற்றின நம் சிந்தை என்ன ? ஒருமுறை... , தன் சகோதரனாகிய யாக்கோபு , தன்னை ஏமாற்றி , தன்னுடைய ஆசீர்வாதத்தை எடுத்துக் கொண்ட போது... , ஏசா தன் தகப்பனிடம் , " இந்த ஒரே ஒரு ஆசீர்வாதம் மாத்திரம் தானா உம்மிடத்தில் உண்டு ? என்னையும் ஆசீர்வதியும்" என்று கெஞ்சி அழுதான். பூமியிலே இழந்து போன சிலாக்கியங்களைக் குறித்து கவலைப்படாதிருங்கள். என்றென்றைக்கும் நிலைத்திருக்கும் ஆசீர்வாதங்களுக்காக , எப்போதும் தேவனிடம் ஓடுங்கள். பூமிக்குரிய ஆசீர்வாதங்கள் தற்காலிகமானவை ; பரலோக ஆசீர்வாதங்களோ நித்தியமானவை. ஜெபம்: கர்த்தாவே , பரலோக...
Read more