யுத்தத்தில் மகிழ்ச்சியா?

B.A. Manakala

நாணலிலுள்ள மிருகக் கூட்டத்தையும், ஜனங்களாகிய கன்றுகளோடு கூட, ரிஷபக் கூட்டத்தையும் அதட்டும். ஒவ்வொருவனும் வெள்ளிப் பணங்களைக் கொண்டுவந்து பணிந்து கொள்ளுவான். யுத்தங்களில் பிரியப்படுகிற ஜனங்களைச் சிதறடிப்பார். சங். 68:30.

பல வருடங்களுக்கு முன்பு...., எனக்கு ஒரு நண்பன் இருந்தான். பொதுவாக, அவன் வகுப்பில் மிகவும் அமைதியாக இருப்பான். ஆனால், நண்பர்களிடையே சண்டை வந்தால், அவன் அங்கே தோன்றுவான். மிகவும் மென்மையான தொனியிலே அவனிடம் இருந்து வரும் ஒரு ஜோடி கேள்விகள், அந்த மொத்த சூழ்நிலையையும் சில விநாடிகளில் அமைதியாக்கி விடும். அவன் பிரச்சனைக்கான காரணத்தை விசாரித்து, அதைத் தீர்ப்பதற்கான ஒரு வழியையும் பரிந்துரைப்பான். அவனுடைய தலையீடு, பெரும்பாலும் பல பிரச்சனைகளைத் தீர்த்து வைத்துள்ளது!

யுத்தங்களில் பிரியப்படுகிறவர்கள் சீக்கிரமே சிதறடிக்கப்படக் கூடும் (சங். 68:30). மனிதனில் உள்ள  பாவ சுபாவத்தின் காரணமாக, யுத்தங்களும், சண்டைகளும் பூமியிலே சர்வ சாதாரணமாகி விட்டது. ஆனால், இயேசுக்கிறிஸ்துவின் மூலமாய் சமாதானத்தைப் பெற்றிருக்கிறவர்களாகிய நாம், சமாதானம் பண்ணுகிறவர்களாய் இந்த பூமியில் இருக்க வேண்டும். பரலோகில் இருந்து பூமிக்கு வந்த இயேசு, சமாதானம் பண்ணுகிறவராய் இருந்தார். நாம் ஒவ்வொருவரும், இப்பூமியில் சமாதானம் பண்ணுகிறவர்களாய் இருப்பதற்கு, அவருடைய ஆவியினால் இயக்கப்படுகிறோம். சிலர் பிரச்சனை பண்ணுகிறவர்களாகவும், சிலர் சண்டைகளை ரசித்து ப் பார்க்கிறவர்களாகவும், சிலர் அந்தக்  காட்சியிலிருந்தே நழுவப் பார்க்கிறவர்களாகவும் உள்ளனர். வெகு சிலரே சமாதானம் பண்ணுகிறவர்களாய் இருக்கிறார்கள்.

மேலுள்ள பிரிவுகளில், நீங்கள் எந்த வகையைச் சேர்ந்தவர்கள்?

பிரச்சனையைத் தவிர்ப்பதே மிகச் சிறந்த விஷயமென்றால்...., இயேசுவை பூமிக்கு அனுப்புவதற்கு பதிலாக, தேவன் நம்மையெல்லாம் அழிக்க அனுமதித்திருப்பார்!

ஜெபம்: கர்த்தாவே, சமாதானத்தை நேசிக்கவும், பூமியிலே சமாதானம் பண்ணுகிறவனாய் இருக்கவும், எனக்கு உதவி செய்யும். ஆமென்!

(Translated from English to Tamil by Catherine Joyce)

 

 

Comments

Post a Comment

Popular posts from this blog

ஆத்தும தாகம்

Image
23 September 2020 B.A. Manakala தேவனே , நீர் என்னுடைய தேவன் ; அதிகாலமே உம்மைத் தேடுகிறேன். வறண்டதும் , விடாய்த்ததும் , தண்ணீரற்றதுமான நிலத்திலே , என் ஆத்துமா உம்மேல் தாகமாயிருக்கிறது. என் மாம்சமானது உம்மை வாஞ்சிக்கிறது. சங். 63:1. இயேசு , சிலுவையில் மொழிந்த வாக்கியங்களுள் ஒன்று ," தாகமாயிருக்கிறேன்" என்பதாகும். அவரைச் சுற்றி இருந்த ஜனங்கள் , அதை சரீரப்பிரகாரமான தாகமாகவே புரிந்து கொண்டனர். அவருடைய தாகமோ , அநேகமாக சரீரப்பிரகாரமான தாகத்திற்கெல்லாம் அப்பாற்பட்டது. தாவீது வறண்ட நிலத்திலே இருக்கிறதால் , அவர் சரீரப்பிரகாரமாகவும் , ஆவிக்குரிய பிரகாரமாகவும் தாகமாய் இருக்கிறார் என்பது தெளிவாகத் தெரிகிறது (63:1). நாம் இவ்வுலகில் வாழ்வதால் , சரீரப்பிரகாரமான பல விஷயங்களுக்காக , நாம் தாகமாயிருக்கிறோம். ஆனால் , நம்முடைய ஆத்துமாவை திருப்திப்படுத்துவதே மிகவும் முக்கியம். ஒருமுறை , இயேசு தாமே சமாரியா ஸ்திரீக்கு ஜீவத்தண்ணீரை வழங்கி , " நான் கொடுக்கும் தண்ணீரைக் குடிக்கிறவனுக்கு ஒருக்காலும் தாகமுண்டாகாது. அது அவனுக்குள்ளே நித்திய ஜீவ காலமாய் ஊறுகிற நீரூற்றாய் இருக்கும்" என்றார் (யோவா. ...
Read more

இரக்கமுள்ள தேவன்

Image
B.A. Manakala தேவரீர் எங்களுக்கு  இரங்கி , எங்களை ஆசீர்வதித்து , உம்முடைய முகத்தை எங்கள்மேல் பிரகாசிக்கப் பண்ணும். சங். 67:2. ஒரு நாள்..... பேருந்து நிலையம் ஒன்றில் , பிச்சைக்காரர் ஒருவர் என்னிடம் வந்து , ' எனக்கு இரண்டு ரூபாய் கிடைக்குமா ?' என்று கேட்டார். நான் அவர் மீது இரக்கப்பட்டு , அவருக்குப் பத்து ரூபாயைக் கொடுத்தேன். அவர் பிரகாசிக்கிற முகத்தோடு போய் விட்டார். நம்மீதுள்ள தேவனின் இரக்கம் அளவிட முடியாதது! நம்மேல் உள்ள அவருடைய கிருபை... , நாம் கேட்பதையும் , கற்பனை செய்வதையும் விட அதிகமானது. இந்த பூமியிலே , தேவன் தம்முடைய இரக்கத்தின் பிரதிநிதிகளாக , நம்மைத் தேர்ந்தெடுத்துள்ளார். வேறு விதமாகக் கூறின்... , இந்த உலகத்தின் ஜனங்கள் , தேவனுடைய இரக்கத்தை , உங்கள் மூலமாகவும் , என் மூலமாகவும் அனுபவிக்கிறார்கள். பரிசுத்த ஆவியானவரின் ஒத்தாசையால் தான்... , நம்மால் பிறருக்கு இரக்கம் காண்பிக்க முடிகிறது. உங்கள் வாழ்வில்... , தேவனின் இரக்கத்தை , நீங்கள் எவ்வளவாய் எதிர்நோக்கி உள்ளீர்கள் ? பிறர் உங்களிடம் இருந்து எவ்வளவு இரக்கத்தை எதிர்பார்க்கிறார்கள் ?   நாம் எந்த அளவுக்கு மற்றவர்களிடம் இரக...
Read more

நித்திய ஆசீர்வாதம்

Image
Tuesday, May 25, 2021 B.A. Manakala தேவன் உம்மை என்றென்றைக்கும் ஆசீர்வதிக்கிறார். சங். 45:2இ. இவை... , ராஜாவைப் பற்றி , கோராகின் புத்திரரால் சொல்லப்பட்ட வார்த்தைகள். தேவனுடைய ஆசீர்வாதங்களினிமித்தம்.. , ராஜா எப்படி இருக்கிறார் என்பதை , வச 3-5 விவரிக்கின்றன. யாருடைய ஆசீர்வாதங்கள் நம்மேல் தங்கியுள்ளன என்பதே முக்கியம். தற்காலிகமானதும் , அழிந்துபோகக் கூடியதுமான பூமிக்குரிய ஆசீர்வாதங்களைக் குறித்தே... , பெரும்பாலும் நாம் ஆர்வம் கொள்கிறோம். ஆனால்... , நித்தியமான பரலோக ஆசீர்வாதங்களைப் பற்றின நம் சிந்தை என்ன ? ஒருமுறை... , தன் சகோதரனாகிய யாக்கோபு , தன்னை ஏமாற்றி , தன்னுடைய ஆசீர்வாதத்தை எடுத்துக் கொண்ட போது... , ஏசா தன் தகப்பனிடம் , " இந்த ஒரே ஒரு ஆசீர்வாதம் மாத்திரம் தானா உம்மிடத்தில் உண்டு ? என்னையும் ஆசீர்வதியும்" என்று கெஞ்சி அழுதான். பூமியிலே இழந்து போன சிலாக்கியங்களைக் குறித்து கவலைப்படாதிருங்கள். என்றென்றைக்கும் நிலைத்திருக்கும் ஆசீர்வாதங்களுக்காக , எப்போதும் தேவனிடம் ஓடுங்கள். பூமிக்குரிய ஆசீர்வாதங்கள் தற்காலிகமானவை ; பரலோக ஆசீர்வாதங்களோ நித்தியமானவை. ஜெபம்: கர்த்தாவே , பரலோக...
Read more