அவர்கள் பெயர்களை அழிக்கவா?

B.A. Manakala

ஜீவ புஸ்தகத்திலிருந்து அவர்கள் பேர் கிறுக்கப்பட்டுப் போவதாக. நீதிமான்கள் பேரோடே அவர்கள் பேர் எழுதப்படாதிருப்பதாக. சங். 69:28.

ஒரு சுற்றுலாவின் போது..., நாங்கள் ஒரு குறிப்பிட்ட கேளிக்கை சவாரிக்குச் செல்ல முடிவு செய்தோம். நாங்கள் நான்கு பேர் இருந்தோம். ஆனால் அந்த சவாரிக்கு, மூன்று இருக்கைகள் மட்டுமே மீதம் இருந்தன. எங்களில் ஒருவருக்கு, அந்த சவாரிக்குச் செல்ல ஆசை இருந்தாலும், அவர் மனமுவந்து..., "நான் விலகிக் கொள்கிறேன். நீங்கள் மூன்று பேரும் செல்லலாம்" என்று கூறினார்.

இந்த வசனத்தில் (சங் 69:28), ' தன்னுடைய சத்துருக்களின் பெயர்களை ஜீவ புஸ்தகத்திலிருந்து கிறுக்கிப் போட வேண்டும்' என்பது  தாவீதின் ஜெபமாய் இருக்கிறது! இஸ்ரவேலருக்காக பராமரிக்கப்பட்ட ' வம்சத்தாரின் அட்டவணை' புஸ்தகத்தை... அவர் ஒருவேளை குறிப்பிடுகிறார் போலும் (எசே. 13:9). மரித்துப் போனவர்களின் பெயர்கள் இந்தப் புத்தகத்திலிருந்து நீக்கப்பட்டன.

அநேகம் பேர்கள் ஜீவ புஸ்தகத்தில் சேர்க்கப்பட வேண்டும் என்று நாம் வாஞ்சிக்கிறோம் (வெளி 3:5). மோசே வழிநடத்திச் சென்ற ஜனங்களின் பாவங்களை..., தேவனால் மன்னிக்க முடியாதென்றால்..., தன்னுடைய பேரை தேவனின் புஸ்தகத்திலிருந்து நீக்கி விடும்படி... மோசே ஒருமுறை தேவனிடம் ஜெபித்தார்! (யாத் 32:32). பவுலும் கூட...., தன்னுடைய ஜனங்களை அது இரட்சிக்குமென்றால்... 'தான் கிறிஸ்துவை விட்டு சபிக்கப்பட்டவனாய் இருக்கவும் ஆயத்தம்' என்று தன் விருப்பத்தை வெளிப்படுத்தினார்! (ரோம 9:2). இங்கே..., மோசேயும், பவுலும் செய்து காண்பித்த... அந்த ஆவிக்குரிய முதிர்ச்சியில் வளர வேண்டும் என்று நான் விரும்புகிறேன். தேவன் ஒருபோதும் யாருடைய பெயரையும் தன்னுடைய புஸ்தகத்திலிருந்து அழித்துப்போட மாட்டார். ஆனால்..., என்னை இரட்சிக்க இயேசு துணிந்தது போல..., மற்றவர்களைக் காப்பாற்ற..., என்னை நானே பணயம் வைக்கத் தயாராக உள்ளேனா?

இன்னும் ஏராளம் பேர்களை ஜீவ புஸ்தகத்தில் சேர்ப்பதற்குக் கடினமாக உழையுங்கள்; பூமிக்குரிய பதிவுகளைப் பற்றிக் கவலைப்படாதீர்கள்!

ஜெபம்: கர்த்தாவே, பூமிக்குரிய ஆவணங்களைக் காட்டிலும், பரலோகப் பதிவுகளில் கவனம் செலுத்த எனக்கு உதவி செய்யும். ஆமென்!

(Translated from English to Tamil by Catherine Joyce)

 

Comments

Post a Comment

Popular posts from this blog

ஆத்தும தாகம்

Image
23 September 2020 B.A. Manakala தேவனே , நீர் என்னுடைய தேவன் ; அதிகாலமே உம்மைத் தேடுகிறேன். வறண்டதும் , விடாய்த்ததும் , தண்ணீரற்றதுமான நிலத்திலே , என் ஆத்துமா உம்மேல் தாகமாயிருக்கிறது. என் மாம்சமானது உம்மை வாஞ்சிக்கிறது. சங். 63:1. இயேசு , சிலுவையில் மொழிந்த வாக்கியங்களுள் ஒன்று ," தாகமாயிருக்கிறேன்" என்பதாகும். அவரைச் சுற்றி இருந்த ஜனங்கள் , அதை சரீரப்பிரகாரமான தாகமாகவே புரிந்து கொண்டனர். அவருடைய தாகமோ , அநேகமாக சரீரப்பிரகாரமான தாகத்திற்கெல்லாம் அப்பாற்பட்டது. தாவீது வறண்ட நிலத்திலே இருக்கிறதால் , அவர் சரீரப்பிரகாரமாகவும் , ஆவிக்குரிய பிரகாரமாகவும் தாகமாய் இருக்கிறார் என்பது தெளிவாகத் தெரிகிறது (63:1). நாம் இவ்வுலகில் வாழ்வதால் , சரீரப்பிரகாரமான பல விஷயங்களுக்காக , நாம் தாகமாயிருக்கிறோம். ஆனால் , நம்முடைய ஆத்துமாவை திருப்திப்படுத்துவதே மிகவும் முக்கியம். ஒருமுறை , இயேசு தாமே சமாரியா ஸ்திரீக்கு ஜீவத்தண்ணீரை வழங்கி , " நான் கொடுக்கும் தண்ணீரைக் குடிக்கிறவனுக்கு ஒருக்காலும் தாகமுண்டாகாது. அது அவனுக்குள்ளே நித்திய ஜீவ காலமாய் ஊறுகிற நீரூற்றாய் இருக்கும்" என்றார் (யோவா. ...
Read more

இரக்கமுள்ள தேவன்

Image
B.A. Manakala தேவரீர் எங்களுக்கு  இரங்கி , எங்களை ஆசீர்வதித்து , உம்முடைய முகத்தை எங்கள்மேல் பிரகாசிக்கப் பண்ணும். சங். 67:2. ஒரு நாள்..... பேருந்து நிலையம் ஒன்றில் , பிச்சைக்காரர் ஒருவர் என்னிடம் வந்து , ' எனக்கு இரண்டு ரூபாய் கிடைக்குமா ?' என்று கேட்டார். நான் அவர் மீது இரக்கப்பட்டு , அவருக்குப் பத்து ரூபாயைக் கொடுத்தேன். அவர் பிரகாசிக்கிற முகத்தோடு போய் விட்டார். நம்மீதுள்ள தேவனின் இரக்கம் அளவிட முடியாதது! நம்மேல் உள்ள அவருடைய கிருபை... , நாம் கேட்பதையும் , கற்பனை செய்வதையும் விட அதிகமானது. இந்த பூமியிலே , தேவன் தம்முடைய இரக்கத்தின் பிரதிநிதிகளாக , நம்மைத் தேர்ந்தெடுத்துள்ளார். வேறு விதமாகக் கூறின்... , இந்த உலகத்தின் ஜனங்கள் , தேவனுடைய இரக்கத்தை , உங்கள் மூலமாகவும் , என் மூலமாகவும் அனுபவிக்கிறார்கள். பரிசுத்த ஆவியானவரின் ஒத்தாசையால் தான்... , நம்மால் பிறருக்கு இரக்கம் காண்பிக்க முடிகிறது. உங்கள் வாழ்வில்... , தேவனின் இரக்கத்தை , நீங்கள் எவ்வளவாய் எதிர்நோக்கி உள்ளீர்கள் ? பிறர் உங்களிடம் இருந்து எவ்வளவு இரக்கத்தை எதிர்பார்க்கிறார்கள் ?   நாம் எந்த அளவுக்கு மற்றவர்களிடம் இரக...
Read more

நித்திய ஆசீர்வாதம்

Image
Tuesday, May 25, 2021 B.A. Manakala தேவன் உம்மை என்றென்றைக்கும் ஆசீர்வதிக்கிறார். சங். 45:2இ. இவை... , ராஜாவைப் பற்றி , கோராகின் புத்திரரால் சொல்லப்பட்ட வார்த்தைகள். தேவனுடைய ஆசீர்வாதங்களினிமித்தம்.. , ராஜா எப்படி இருக்கிறார் என்பதை , வச 3-5 விவரிக்கின்றன. யாருடைய ஆசீர்வாதங்கள் நம்மேல் தங்கியுள்ளன என்பதே முக்கியம். தற்காலிகமானதும் , அழிந்துபோகக் கூடியதுமான பூமிக்குரிய ஆசீர்வாதங்களைக் குறித்தே... , பெரும்பாலும் நாம் ஆர்வம் கொள்கிறோம். ஆனால்... , நித்தியமான பரலோக ஆசீர்வாதங்களைப் பற்றின நம் சிந்தை என்ன ? ஒருமுறை... , தன் சகோதரனாகிய யாக்கோபு , தன்னை ஏமாற்றி , தன்னுடைய ஆசீர்வாதத்தை எடுத்துக் கொண்ட போது... , ஏசா தன் தகப்பனிடம் , " இந்த ஒரே ஒரு ஆசீர்வாதம் மாத்திரம் தானா உம்மிடத்தில் உண்டு ? என்னையும் ஆசீர்வதியும்" என்று கெஞ்சி அழுதான். பூமியிலே இழந்து போன சிலாக்கியங்களைக் குறித்து கவலைப்படாதிருங்கள். என்றென்றைக்கும் நிலைத்திருக்கும் ஆசீர்வாதங்களுக்காக , எப்போதும் தேவனிடம் ஓடுங்கள். பூமிக்குரிய ஆசீர்வாதங்கள் தற்காலிகமானவை ; பரலோக ஆசீர்வாதங்களோ நித்தியமானவை. ஜெபம்: கர்த்தாவே , பரலோக...
Read more