விரைவான உதவி

B.A. Manakala

தேவனே, என்னை விடுவியும். கர்த்தாவே, எனக்குச் சகாயஞ் செய்யத் தீவிரியும். சங். 70:1.

இயேசுவுக்கு...., அவருடைய அருமை நண்பன் லாசரு வியாதியாய் இருப்பதாகத் தகவல் தெரிவிக்கப்பட்டும், இயேசு தாம் தங்கியிருந்த இடத்திலேயே அடுத்த இரண்டு நாட்களும் தங்கினார். அவர் போய்ச் சேர்ந்த வேளையில்..., லாசரு மரித்து, அவனுடைய சரீரம் கல்லறையில் வைக்கப்பட்டு, நாலு நாட்கள் ஆகியிருந்தது! அவனுடைய சகோதரி மார்த்தாள் இயேசுவிடம், "நீர் இங்கு இருந்திருந்தீரானால்..., என்னுடைய சகோதரன் மரித்திருக்க மாட்டான்" என்று கூறினாள்.

பொதுவாக....., தாவீது விரும்பியதைப் போலவே...,  நமக்கும் நம்முடைய தேவைகளுக்கு விரைவான உதவி தேவைப்படுகிறது (சங். 70:1). தேவன் சகலத்தையும் அதினதின் காலத்திலே நேர்த்தியாகச் செய்திருக்கிறார் (பிரச. 3:11). ஆனால், அவருடைய வேளை, நமது நேரத்தோடு எப்போதுமே பொருந்தி வராமல் போகலாம். சில சமயங்களில்..., அவர் நமக்குச் சரியான வேளையில் உதவி செய்யாதது போலத் தோன்றலாம். மனிதனுடைய கண்ணோட்டத்தில் பார்த்தால்..., 'இயேசு தாமதமாக வந்ததால் தான் அவளுடைய சகோதரன் மரித்துப் போனான்' என்று மார்த்தாள் சொன்னது சரியே! அநேகமாக..., அவளுடைய சகோதரன் உயிர்ப்பிக்கப்பட்ட பின்னர்,  தேவனுக்குச் சரியான வேளை அது தான் என்பதை அவள் புரிந்திருப்பாள். உண்மையைக் கூறின்..., பிரச்சனையின் நேரங்களில் உதவுவதற்கு, தேவன் எப்போதுமே ஆயத்தமாய் இருக்கிறார் (சங். 46:1). அவர் எப்பொழுதும் நம்முடனே கூட இருக்கிறார் (மத். 28:20).

'தேவனுடைய பிரசன்னம், இடைவிடாமல் என்னோடே கூட இருக்கிறது'... என்பதை, எனக்கு நானே எப்படி நினைவூட்டிக் கொள்வது?

தேவனோடு பணியாற்றும் போது..., அவரைப் போலவே... 'காலத்தை' வரையறுக்கக் கற்றுக்கொள்வது நல்லது!

ஜெபம்: கர்த்தாவே, நீர் என்னுடன் செய்யும் அனைத்திற்கும் இருக்கிற..., உம்முடைய நேர்த்தியான சமயத்தைப் புரிந்து கொள்ள எனக்கு உதவி செய்யும். ஆமென்!

(Translated from English to Tamil by Catherine Joyce)

 

 

Comments

Post a Comment

Popular posts from this blog

ஆத்தும தாகம்

Image
23 September 2020 B.A. Manakala தேவனே , நீர் என்னுடைய தேவன் ; அதிகாலமே உம்மைத் தேடுகிறேன். வறண்டதும் , விடாய்த்ததும் , தண்ணீரற்றதுமான நிலத்திலே , என் ஆத்துமா உம்மேல் தாகமாயிருக்கிறது. என் மாம்சமானது உம்மை வாஞ்சிக்கிறது. சங். 63:1. இயேசு , சிலுவையில் மொழிந்த வாக்கியங்களுள் ஒன்று ," தாகமாயிருக்கிறேன்" என்பதாகும். அவரைச் சுற்றி இருந்த ஜனங்கள் , அதை சரீரப்பிரகாரமான தாகமாகவே புரிந்து கொண்டனர். அவருடைய தாகமோ , அநேகமாக சரீரப்பிரகாரமான தாகத்திற்கெல்லாம் அப்பாற்பட்டது. தாவீது வறண்ட நிலத்திலே இருக்கிறதால் , அவர் சரீரப்பிரகாரமாகவும் , ஆவிக்குரிய பிரகாரமாகவும் தாகமாய் இருக்கிறார் என்பது தெளிவாகத் தெரிகிறது (63:1). நாம் இவ்வுலகில் வாழ்வதால் , சரீரப்பிரகாரமான பல விஷயங்களுக்காக , நாம் தாகமாயிருக்கிறோம். ஆனால் , நம்முடைய ஆத்துமாவை திருப்திப்படுத்துவதே மிகவும் முக்கியம். ஒருமுறை , இயேசு தாமே சமாரியா ஸ்திரீக்கு ஜீவத்தண்ணீரை வழங்கி , " நான் கொடுக்கும் தண்ணீரைக் குடிக்கிறவனுக்கு ஒருக்காலும் தாகமுண்டாகாது. அது அவனுக்குள்ளே நித்திய ஜீவ காலமாய் ஊறுகிற நீரூற்றாய் இருக்கும்" என்றார் (யோவா. ...
Read more

இரக்கமுள்ள தேவன்

Image
B.A. Manakala தேவரீர் எங்களுக்கு  இரங்கி , எங்களை ஆசீர்வதித்து , உம்முடைய முகத்தை எங்கள்மேல் பிரகாசிக்கப் பண்ணும். சங். 67:2. ஒரு நாள்..... பேருந்து நிலையம் ஒன்றில் , பிச்சைக்காரர் ஒருவர் என்னிடம் வந்து , ' எனக்கு இரண்டு ரூபாய் கிடைக்குமா ?' என்று கேட்டார். நான் அவர் மீது இரக்கப்பட்டு , அவருக்குப் பத்து ரூபாயைக் கொடுத்தேன். அவர் பிரகாசிக்கிற முகத்தோடு போய் விட்டார். நம்மீதுள்ள தேவனின் இரக்கம் அளவிட முடியாதது! நம்மேல் உள்ள அவருடைய கிருபை... , நாம் கேட்பதையும் , கற்பனை செய்வதையும் விட அதிகமானது. இந்த பூமியிலே , தேவன் தம்முடைய இரக்கத்தின் பிரதிநிதிகளாக , நம்மைத் தேர்ந்தெடுத்துள்ளார். வேறு விதமாகக் கூறின்... , இந்த உலகத்தின் ஜனங்கள் , தேவனுடைய இரக்கத்தை , உங்கள் மூலமாகவும் , என் மூலமாகவும் அனுபவிக்கிறார்கள். பரிசுத்த ஆவியானவரின் ஒத்தாசையால் தான்... , நம்மால் பிறருக்கு இரக்கம் காண்பிக்க முடிகிறது. உங்கள் வாழ்வில்... , தேவனின் இரக்கத்தை , நீங்கள் எவ்வளவாய் எதிர்நோக்கி உள்ளீர்கள் ? பிறர் உங்களிடம் இருந்து எவ்வளவு இரக்கத்தை எதிர்பார்க்கிறார்கள் ?   நாம் எந்த அளவுக்கு மற்றவர்களிடம் இரக...
Read more

நித்திய ஆசீர்வாதம்

Image
Tuesday, May 25, 2021 B.A. Manakala தேவன் உம்மை என்றென்றைக்கும் ஆசீர்வதிக்கிறார். சங். 45:2இ. இவை... , ராஜாவைப் பற்றி , கோராகின் புத்திரரால் சொல்லப்பட்ட வார்த்தைகள். தேவனுடைய ஆசீர்வாதங்களினிமித்தம்.. , ராஜா எப்படி இருக்கிறார் என்பதை , வச 3-5 விவரிக்கின்றன. யாருடைய ஆசீர்வாதங்கள் நம்மேல் தங்கியுள்ளன என்பதே முக்கியம். தற்காலிகமானதும் , அழிந்துபோகக் கூடியதுமான பூமிக்குரிய ஆசீர்வாதங்களைக் குறித்தே... , பெரும்பாலும் நாம் ஆர்வம் கொள்கிறோம். ஆனால்... , நித்தியமான பரலோக ஆசீர்வாதங்களைப் பற்றின நம் சிந்தை என்ன ? ஒருமுறை... , தன் சகோதரனாகிய யாக்கோபு , தன்னை ஏமாற்றி , தன்னுடைய ஆசீர்வாதத்தை எடுத்துக் கொண்ட போது... , ஏசா தன் தகப்பனிடம் , " இந்த ஒரே ஒரு ஆசீர்வாதம் மாத்திரம் தானா உம்மிடத்தில் உண்டு ? என்னையும் ஆசீர்வதியும்" என்று கெஞ்சி அழுதான். பூமியிலே இழந்து போன சிலாக்கியங்களைக் குறித்து கவலைப்படாதிருங்கள். என்றென்றைக்கும் நிலைத்திருக்கும் ஆசீர்வாதங்களுக்காக , எப்போதும் தேவனிடம் ஓடுங்கள். பூமிக்குரிய ஆசீர்வாதங்கள் தற்காலிகமானவை ; பரலோக ஆசீர்வாதங்களோ நித்தியமானவை. ஜெபம்: கர்த்தாவே , பரலோக...
Read more