பூர்வ காலமுதல் உள்ள ராஜா!

B.A. Manakala

பூமியின் நடுவில் இரட்சிப்புகளைச் செய்து வருகிற தேவன் பூர்வ காலமுதல் என்னுடைய ராஜா. சங். 74:12.

2018ம் வருடம்..., நாங்கள் குடும்பமாக வேல்ஸ் (Wales) தேசத்திற்கு விஜயம் செய்த போது..., அங்குள்ள டிரெலெக் (Trellech) என்ற இடத்தில் இருந்த ஹரால்ட் கற்களைப் (Harold's stones) பார்ப்பதற்கான வாய்ப்பு கிட்டியது. வெண்கல யுகத்திற்கு 3500 ஆண்டுகள் முந்தைய  காலகட்டத்தைச் சார்ந்த அவற்றைப் பார்த்ததே... பிரமிப்பாகவும், சுவாரஸ்யமாகவும் இருந்தது! இவ்வளவு நீண்ட நெடுங்காலமாக நிலைத்திருக்கும் ஒன்றைப் பற்றிப் புரிந்து கொள்வதென்பது அவ்வளவு எளிதல்ல!

பூமியில் பலர் ராஜாக்களாகத் தேர்ந்தெடுக்கப்பட்டனர். அவர்கள் தேர்ந்தெடுக்கப்பட்டு, ராஜாக்களாக அபிஷேகம் பண்ணப்பட்டனரே ஒழிய, அவர்களில் ஒருவரும் ராஜாவாகவே பிறந்து வரவில்லை. இங்கே இருக்கிற ஒருவர்..., கடந்த யுகாயுகங்களுக்கும், இனி வரப்போகிற யுகங்களுக்கும் ராஜாவாக இருக்கிறவர். அவரை அபிஷேகம் பண்ணத்தக்க ஒருவரும் அவருக்கு மேல் இல்லை! பூமிக்கு இரட்சிப்பைக் கொண்டு வரக்கூடியவர் அவர் ஒருவர் மாத்திரமே (சங். 74:12); அவர் ஒருவரே சதாகாலங்களிலும் அரசாளுகிறவர் (சங். 146:10); அவர் ஒருவர்  மட்டுமே சகல ஜாதிகளின் மேலும் ஆளுகை செய்கிறவர் (சங். 47:8); அவர் ஒருவர் மாத்திரமே ராஜாதி ராஜாவாக இருக்கிறவர்! (1 தீமோ 6:15). நாம் ஐம்பது அல்லது நூறு வயதை உடையவர்களாய்..., பூமியில் இதுவரை நாம் வாழ்ந்த வாழ்க்கையிலிருந்து..., ஏராளமான அனுபவங்களைப் பெற்றவர்களாக இருக்கலாம். ஆனால்..., 'யுகங்களைக் கடந்தவர்' என குறிப்பிடத்தக்கவர் ஒரே ஒருவர் மட்டுமே இருக்கிறார். நம்மிலே யார்யாரெல்லாம் அவருடைய குடும்பத்தின் அங்கத்தினராகி இருக்கிறோமோ..., அவர்களெல்லாரும், என்றென்றுமுள்ள சதா காலங்களிலும் அவரோடேகூட ஜீவிக்க முடியும் என்பது தான் இதன் சிறப்பம்சம்!

என்னுடைய வயதை தேவனுடைய வயதோடு ஒப்பிடுவதென்பது..., கேட்பதற்கு எப்படி இருக்கிறது?

நாம் ஒருபோதும் கற்பனை செய்யக்கூடாத அளவிற்கு..., ஆரம்பகால வரலாற்றிற்கும்.., சமீபத்திய எதிர்காலத்திற்கும்... அப்பாற்பட்டவராய் தேவன் இருக்கிறார்!

ஜெபம்: கர்த்தாவே, இனி வரப்போகிற யுகா யுகங்களுக்கும்... உம்மோடு இருக்கப் போகிற என்னுடைய வாழ்வைப் பற்றின சரியான கண்ணோட்டத்துடன்..., இன்று என் வாழ்க்கையை வாழ எனக்கு உதவி செய்யும். ஆமென்!

 

(Translated from English to Tamil by Catherine Joyce)

 

 

Comments

Post a Comment

Popular posts from this blog

ஆத்தும தாகம்

Image
23 September 2020 B.A. Manakala தேவனே , நீர் என்னுடைய தேவன் ; அதிகாலமே உம்மைத் தேடுகிறேன். வறண்டதும் , விடாய்த்ததும் , தண்ணீரற்றதுமான நிலத்திலே , என் ஆத்துமா உம்மேல் தாகமாயிருக்கிறது. என் மாம்சமானது உம்மை வாஞ்சிக்கிறது. சங். 63:1. இயேசு , சிலுவையில் மொழிந்த வாக்கியங்களுள் ஒன்று ," தாகமாயிருக்கிறேன்" என்பதாகும். அவரைச் சுற்றி இருந்த ஜனங்கள் , அதை சரீரப்பிரகாரமான தாகமாகவே புரிந்து கொண்டனர். அவருடைய தாகமோ , அநேகமாக சரீரப்பிரகாரமான தாகத்திற்கெல்லாம் அப்பாற்பட்டது. தாவீது வறண்ட நிலத்திலே இருக்கிறதால் , அவர் சரீரப்பிரகாரமாகவும் , ஆவிக்குரிய பிரகாரமாகவும் தாகமாய் இருக்கிறார் என்பது தெளிவாகத் தெரிகிறது (63:1). நாம் இவ்வுலகில் வாழ்வதால் , சரீரப்பிரகாரமான பல விஷயங்களுக்காக , நாம் தாகமாயிருக்கிறோம். ஆனால் , நம்முடைய ஆத்துமாவை திருப்திப்படுத்துவதே மிகவும் முக்கியம். ஒருமுறை , இயேசு தாமே சமாரியா ஸ்திரீக்கு ஜீவத்தண்ணீரை வழங்கி , " நான் கொடுக்கும் தண்ணீரைக் குடிக்கிறவனுக்கு ஒருக்காலும் தாகமுண்டாகாது. அது அவனுக்குள்ளே நித்திய ஜீவ காலமாய் ஊறுகிற நீரூற்றாய் இருக்கும்" என்றார் (யோவா. ...
Read more

இரக்கமுள்ள தேவன்

Image
B.A. Manakala தேவரீர் எங்களுக்கு  இரங்கி , எங்களை ஆசீர்வதித்து , உம்முடைய முகத்தை எங்கள்மேல் பிரகாசிக்கப் பண்ணும். சங். 67:2. ஒரு நாள்..... பேருந்து நிலையம் ஒன்றில் , பிச்சைக்காரர் ஒருவர் என்னிடம் வந்து , ' எனக்கு இரண்டு ரூபாய் கிடைக்குமா ?' என்று கேட்டார். நான் அவர் மீது இரக்கப்பட்டு , அவருக்குப் பத்து ரூபாயைக் கொடுத்தேன். அவர் பிரகாசிக்கிற முகத்தோடு போய் விட்டார். நம்மீதுள்ள தேவனின் இரக்கம் அளவிட முடியாதது! நம்மேல் உள்ள அவருடைய கிருபை... , நாம் கேட்பதையும் , கற்பனை செய்வதையும் விட அதிகமானது. இந்த பூமியிலே , தேவன் தம்முடைய இரக்கத்தின் பிரதிநிதிகளாக , நம்மைத் தேர்ந்தெடுத்துள்ளார். வேறு விதமாகக் கூறின்... , இந்த உலகத்தின் ஜனங்கள் , தேவனுடைய இரக்கத்தை , உங்கள் மூலமாகவும் , என் மூலமாகவும் அனுபவிக்கிறார்கள். பரிசுத்த ஆவியானவரின் ஒத்தாசையால் தான்... , நம்மால் பிறருக்கு இரக்கம் காண்பிக்க முடிகிறது. உங்கள் வாழ்வில்... , தேவனின் இரக்கத்தை , நீங்கள் எவ்வளவாய் எதிர்நோக்கி உள்ளீர்கள் ? பிறர் உங்களிடம் இருந்து எவ்வளவு இரக்கத்தை எதிர்பார்க்கிறார்கள் ?   நாம் எந்த அளவுக்கு மற்றவர்களிடம் இரக...
Read more

நித்திய ஆசீர்வாதம்

Image
Tuesday, May 25, 2021 B.A. Manakala தேவன் உம்மை என்றென்றைக்கும் ஆசீர்வதிக்கிறார். சங். 45:2இ. இவை... , ராஜாவைப் பற்றி , கோராகின் புத்திரரால் சொல்லப்பட்ட வார்த்தைகள். தேவனுடைய ஆசீர்வாதங்களினிமித்தம்.. , ராஜா எப்படி இருக்கிறார் என்பதை , வச 3-5 விவரிக்கின்றன. யாருடைய ஆசீர்வாதங்கள் நம்மேல் தங்கியுள்ளன என்பதே முக்கியம். தற்காலிகமானதும் , அழிந்துபோகக் கூடியதுமான பூமிக்குரிய ஆசீர்வாதங்களைக் குறித்தே... , பெரும்பாலும் நாம் ஆர்வம் கொள்கிறோம். ஆனால்... , நித்தியமான பரலோக ஆசீர்வாதங்களைப் பற்றின நம் சிந்தை என்ன ? ஒருமுறை... , தன் சகோதரனாகிய யாக்கோபு , தன்னை ஏமாற்றி , தன்னுடைய ஆசீர்வாதத்தை எடுத்துக் கொண்ட போது... , ஏசா தன் தகப்பனிடம் , " இந்த ஒரே ஒரு ஆசீர்வாதம் மாத்திரம் தானா உம்மிடத்தில் உண்டு ? என்னையும் ஆசீர்வதியும்" என்று கெஞ்சி அழுதான். பூமியிலே இழந்து போன சிலாக்கியங்களைக் குறித்து கவலைப்படாதிருங்கள். என்றென்றைக்கும் நிலைத்திருக்கும் ஆசீர்வாதங்களுக்காக , எப்போதும் தேவனிடம் ஓடுங்கள். பூமிக்குரிய ஆசீர்வாதங்கள் தற்காலிகமானவை ; பரலோக ஆசீர்வாதங்களோ நித்தியமானவை. ஜெபம்: கர்த்தாவே , பரலோக...
Read more