தேவைப்படும்போது அவற்றை பயன்படுத்துங்கள்.

Wednesday, July 07, 2021

B.A. Manakala

கபடமுள்ள நாவே, சங்கரிக்கும் சகல வார்த்தைகளையும் நீ விரும்புகிறாய். சங். 52:4.

பழைய ஏற்பாட்டில்..., 'கண்ணுக்கு - கண்', 'பல்லுக்கு - பல்' என்பதே தண்டனைக் கொள்கையாகக் காணப்படுகிறது. பொதுவாக.., நாம் 'என்ன சொல்கிறோம்' என்பதைக் காட்டிலும், நாம் 'என்ன செய்கிறோம்' என்பதே அதிக முக்கியத்துவம் வாய்ந்ததாகிறது (1 யோவா. 3:18; யாக். 2:17).

ஆயினும்..., நாம் கோபமாக இருக்கும் போது.., இந்த விளைவு தலைகீழாக மாறுகிறது: நம் செயல்களைப் பார்க்கிலும், நம் சொற்களே அதிக சக்திவாய்ந்தவை ஆகின்றன (நீதி. 15:1). செயல்கள் அல்ல..., சொற்களே ஆவியையும் நொறுக்கக் கூடிய ஆற்றல் படைத்தவையாக இருக்கின்றன (15:4). ஆனால்..., இனிய சொற்களோ..., தேனைப் போன்றவை. அவை ஆத்துமாவுக்கு மதுரமும், சரீரத்திற்கு ஔஷதமுமாய் இருக்கின்றன (16:24).

நீங்கள் என்ன பேசுகிறீர்கள் என்பதைப் பற்றி...,குறிப்பாக, நீங்கள் கோபமாய் இருக்கும் போது பேசுவதைப் பற்றி எச்சரிக்கையாய் இருங்கள். அதிகப்படியான பேச்சு, பாவத்திற்கு வழிவகுக்கும் (10:19) என்பதை நினைவில் கொள்ளுங்கள்.

பிறரை ஆசீர்வதித்து, ஊக்குவிக்கும் வார்த்தைகளை மட்டும் விளம்புக! எஞ்சியவற்றை விழுங்குக!

ஜெபம்: கர்த்தாவே, ஒவ்வொருவரையும் ஊக்கப்படுத்த மட்டும் என்னுடைய வார்த்தைகளைப்  பயன்படுத்த எனக்குக் கற்றுத்தாரும். ஆமென்!

 

(Translated from English to Tamil by Catherine Joyce)

 

 

Comments

Post a Comment

Popular posts from this blog

ஆத்தும தாகம்

Image
23 September 2020 B.A. Manakala தேவனே , நீர் என்னுடைய தேவன் ; அதிகாலமே உம்மைத் தேடுகிறேன். வறண்டதும் , விடாய்த்ததும் , தண்ணீரற்றதுமான நிலத்திலே , என் ஆத்துமா உம்மேல் தாகமாயிருக்கிறது. என் மாம்சமானது உம்மை வாஞ்சிக்கிறது. சங். 63:1. இயேசு , சிலுவையில் மொழிந்த வாக்கியங்களுள் ஒன்று ," தாகமாயிருக்கிறேன்" என்பதாகும். அவரைச் சுற்றி இருந்த ஜனங்கள் , அதை சரீரப்பிரகாரமான தாகமாகவே புரிந்து கொண்டனர். அவருடைய தாகமோ , அநேகமாக சரீரப்பிரகாரமான தாகத்திற்கெல்லாம் அப்பாற்பட்டது. தாவீது வறண்ட நிலத்திலே இருக்கிறதால் , அவர் சரீரப்பிரகாரமாகவும் , ஆவிக்குரிய பிரகாரமாகவும் தாகமாய் இருக்கிறார் என்பது தெளிவாகத் தெரிகிறது (63:1). நாம் இவ்வுலகில் வாழ்வதால் , சரீரப்பிரகாரமான பல விஷயங்களுக்காக , நாம் தாகமாயிருக்கிறோம். ஆனால் , நம்முடைய ஆத்துமாவை திருப்திப்படுத்துவதே மிகவும் முக்கியம். ஒருமுறை , இயேசு தாமே சமாரியா ஸ்திரீக்கு ஜீவத்தண்ணீரை வழங்கி , " நான் கொடுக்கும் தண்ணீரைக் குடிக்கிறவனுக்கு ஒருக்காலும் தாகமுண்டாகாது. அது அவனுக்குள்ளே நித்திய ஜீவ காலமாய் ஊறுகிற நீரூற்றாய் இருக்கும்" என்றார் (யோவா. ...
Read more

இரக்கமுள்ள தேவன்

Image
B.A. Manakala தேவரீர் எங்களுக்கு  இரங்கி , எங்களை ஆசீர்வதித்து , உம்முடைய முகத்தை எங்கள்மேல் பிரகாசிக்கப் பண்ணும். சங். 67:2. ஒரு நாள்..... பேருந்து நிலையம் ஒன்றில் , பிச்சைக்காரர் ஒருவர் என்னிடம் வந்து , ' எனக்கு இரண்டு ரூபாய் கிடைக்குமா ?' என்று கேட்டார். நான் அவர் மீது இரக்கப்பட்டு , அவருக்குப் பத்து ரூபாயைக் கொடுத்தேன். அவர் பிரகாசிக்கிற முகத்தோடு போய் விட்டார். நம்மீதுள்ள தேவனின் இரக்கம் அளவிட முடியாதது! நம்மேல் உள்ள அவருடைய கிருபை... , நாம் கேட்பதையும் , கற்பனை செய்வதையும் விட அதிகமானது. இந்த பூமியிலே , தேவன் தம்முடைய இரக்கத்தின் பிரதிநிதிகளாக , நம்மைத் தேர்ந்தெடுத்துள்ளார். வேறு விதமாகக் கூறின்... , இந்த உலகத்தின் ஜனங்கள் , தேவனுடைய இரக்கத்தை , உங்கள் மூலமாகவும் , என் மூலமாகவும் அனுபவிக்கிறார்கள். பரிசுத்த ஆவியானவரின் ஒத்தாசையால் தான்... , நம்மால் பிறருக்கு இரக்கம் காண்பிக்க முடிகிறது. உங்கள் வாழ்வில்... , தேவனின் இரக்கத்தை , நீங்கள் எவ்வளவாய் எதிர்நோக்கி உள்ளீர்கள் ? பிறர் உங்களிடம் இருந்து எவ்வளவு இரக்கத்தை எதிர்பார்க்கிறார்கள் ?   நாம் எந்த அளவுக்கு மற்றவர்களிடம் இரக...
Read more

நித்திய ஆசீர்வாதம்

Image
Tuesday, May 25, 2021 B.A. Manakala தேவன் உம்மை என்றென்றைக்கும் ஆசீர்வதிக்கிறார். சங். 45:2இ. இவை... , ராஜாவைப் பற்றி , கோராகின் புத்திரரால் சொல்லப்பட்ட வார்த்தைகள். தேவனுடைய ஆசீர்வாதங்களினிமித்தம்.. , ராஜா எப்படி இருக்கிறார் என்பதை , வச 3-5 விவரிக்கின்றன. யாருடைய ஆசீர்வாதங்கள் நம்மேல் தங்கியுள்ளன என்பதே முக்கியம். தற்காலிகமானதும் , அழிந்துபோகக் கூடியதுமான பூமிக்குரிய ஆசீர்வாதங்களைக் குறித்தே... , பெரும்பாலும் நாம் ஆர்வம் கொள்கிறோம். ஆனால்... , நித்தியமான பரலோக ஆசீர்வாதங்களைப் பற்றின நம் சிந்தை என்ன ? ஒருமுறை... , தன் சகோதரனாகிய யாக்கோபு , தன்னை ஏமாற்றி , தன்னுடைய ஆசீர்வாதத்தை எடுத்துக் கொண்ட போது... , ஏசா தன் தகப்பனிடம் , " இந்த ஒரே ஒரு ஆசீர்வாதம் மாத்திரம் தானா உம்மிடத்தில் உண்டு ? என்னையும் ஆசீர்வதியும்" என்று கெஞ்சி அழுதான். பூமியிலே இழந்து போன சிலாக்கியங்களைக் குறித்து கவலைப்படாதிருங்கள். என்றென்றைக்கும் நிலைத்திருக்கும் ஆசீர்வாதங்களுக்காக , எப்போதும் தேவனிடம் ஓடுங்கள். பூமிக்குரிய ஆசீர்வாதங்கள் தற்காலிகமானவை ; பரலோக ஆசீர்வாதங்களோ நித்தியமானவை. ஜெபம்: கர்த்தாவே , பரலோக...
Read more